दाङ,२८ साउन । दाङमा खोलाले बगाउँदा ६४ वर्षीय एक वृद्ध बेपत्ता भएका छ्न । घोराही उपमहानगरपालिका–११ झमरे निवासी ६४ बर्षीय तिलकराम विकलाई पत्रे खोलाले बगाएर बेपत्ता बनाएको जिल्ला प्रहरी कार्यालय दाङका सूचना अधिकारी एवं प्रहरी नायव उपरिक्षक राजनकुमार गौतमले जानकारी दिएका छ्न । उनका अनुसार घर नजिकै रहेको पत्रेखोलाले विकलाई विहान साढे ८ बजेतिर बगाएको थियो । प्रहरी नायव उपरिक्षक गौतमका अनुसार घरमा शौचालय नभएका कारण दिशा गर्न खोलामा गएका बेला विकलाई खोलाले बगाएको हो। बेपत्ता विकको खोलीका लागि प्रहरी परिचालन भएको प्रहरी नायव उपरिक्षक गौतमले जानकारी दिएका छन् ।