बुटवल, २७ साउन ।

लायन्स क्लब अफ बुटवल सिद्धार्थको अगुवाईमा लायन्स क्लब अफ सिद्धबाबा भृकुटी र लायन्स क्लब अफ भृकुटी पाराडाईसले बुटवल उपमहानगरपालिकाको ४५ दिने उपमहानगरपालिका सरसफाई अभियानमा सहकार्य गरेका छन् ।

कार्यक्रमको दोस्रो हप्ताको बिशेष सरसफाई कार्यक्रममा शुक्रबार बुटवल उपमहानगरपालिकासँग ती क्लवहरुले सहकार्य गरेका हुन् ।

कार्यक्रममा नगर प्रमुख खेलराज पाण्डे, उपप्रमुख साबित्रा अर्याल लायन्स डिष्ट्रिक ३२५ पीका सेकेन्ड भाईस डिष्ट्रिक गभर्नर एम जे एफ बालाराम भट्टराई, सम्पूर्ण बवाका वडाअध्यक्ष जनप्रतिनिधि, विभिन्न संघसंस्था, लायन्स क्लबका प्रतिनिधि साथै लायन्स क्लब अफ बुटवल सिद्धार्थका पुर्व अध्यक्षहरु साथै सम्पूर्ण सदस्यहरुले सहभागिता जनाएका थिए ।

नगर प्रमुख पाण्डेले नगर सरसफाईमा लायन्सहरुको सहकार्यप्रति आभार प्रकट गर्दै आगामी दिनमा पनि सहकार्यको खाँचो औंल्याएका थिए । लायन्स क्लबअफ बुटवल सिद्धार्थका अध्यक्ष नारायण विक्रम कुंवरले नगरमा यस्ता बिशेष कार्यक्रममा लायन्सले स्थानीय सरकारसंग मिलेर सहकार्य गर्ने प्रतिवद्धता जनाए ।

विशेष सरसफाई कार्यक्रमको संयोजन लायन्स क्लब अफ बुटवल सिद्धार्थका प्रथम उपाध्यक्ष. मोहनविक्रम प्याथले गरेको लायन्स क्लब अफ बुटवल सिद्धार्थका पुर्व अध्यक्ष तथा लायन्स डिष्ट्रिक प्रोग्राम मेम्बर भोजराज पोख्रेलले बताए । सरसफाई कार्यक्रममा अधिकाशं सहभागीहरुलाई माक्स र ग्लोब्सको ब्यवस्था समेत लायन्स क्लब अफ बुटवल सिद्धार्थले गरेको थियो ।