दाङ, ८ साउन । दाङमा सवारी साधन दुर्घटना हुँदा आठजना घाईते भएका छन् । तुलसीपुर १८ संग्रामखोला नजिकै सोमबार बिहान सवा ९ बजे घोराहीबाट तुलसीपुरतर्फ जाँदै गरेको अम्बिकेश्वरी यातायात प्रालिको रा १ ख १३१२ नम्बरको बसको स्ट्रिंङ फेल भएर सडकको छेउमा पल्टिदा दुर्घटना भएको प्रहरीले जनाएको छ ।

सो दुर्घटनामा घाईते हुनेमा घोराही –११ खैराका ४६ बर्षिया नम्रता पोख्रेल, घोराही –११ जोगेनाका ४२ बर्षिया घनश्याम बस्नेत, घोराही १० नारायणपुरका ३६ बर्षिया मनकुमारी खत्री, घोराही १५ का ४३ बर्षिया मिना गिरी रहेका छन् । त्यसैगरी तुलसीपुर –८ अस्वाराका तिलकबहादुर रोका, तुलसीपुर १७ बघौसीका २२ बर्षिया अन्जु चौधरी, रोल्पाको परिवर्तन गाउँपालिका ६ घर भई हाल घोराही भरतपुर १५ बस्दै आएका ३५ बर्षिया दिलकुमारी बुढा, २६ बर्षिया निता बुढा रहेका छन् ।

घाईते सबैको राप्ती प्रादेशिक अस्पताल तुलसीपुरमा उपचार भईरहेको र अबस्था सामान्य रहेको ईलाका प्रहरी कार्यालय तुलसीपुरका प्रहरी प्रवक्ता पर्वत केसीले जानकारी दिए । घटनालगत्तै बस र चालक घोराही १० नारायणपुरका ५० बर्षिय प्रेम योगीलाई नियन्त्रणमा लिएको उनले बताए । घटनाको बिषयमा थप अनुसन्धान भईरहेको प्रहरीले जनाएको छ ।