सल्यान, २० असार ।  सल्यानमा भएको ट्याक्टर दुर्घटनामा एक जनाको मृत्यु भएको छ । अन्य दुई जना गम्भिर घाईते छन । जिल्लाको बागचौर नगरपालिका १० पिपलनेटाका अन्दाजी ५० वर्षीय लाल बहादुर विकको मृत्यु भएको जिल्ला प्रहरी कार्यालय सल्यानले जनाएको छ ।

बुधबार बिहान बागचौर नगरपालिका २ थारमारे बजारबाट वडा न १ ठिन्वाङ जिउला जाँदै गरेको रा १ त ३२६३ नम्बरको ट्याक्टर ठिनवाङ खोलामा दुर्घटना भएको थियो । दुर्घटनामा ट्याक्टर चालक सहित ३ जना गम्भीर घाइते भएका थिए । गम्भीर घाइते मध्येका लाल बहादुरलाई थप उपचारका लागि नेपालगञ्ज रिफर गरिएकोमा बाटोमा नै मृत्यु भएको जिल्ल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिए ।

दुर्घटनामा परी गम्भीर घाइते बागचौर नगरपालिका १ गैरावेदका ट्याक्टर चालक २४ वर्षीय युवराज रोकायको नेपालगञ्ज र सोही ठाउँका ४५ वर्षीय कालि बहादुर बस्नेतको सल्यान जिल्ला अस्पतालमा उपचार भइरहेको प्रहरीको भनाई छ । ट्याक्टर सडकबाट एक सय मिटर तल खसेको थियो ।