बुटवल, २८ साउन । आर्थिक विपन्न बुटवल वडा नं १ का गरिब तथा जेहेन्दार विद्यार्थीहरुलाई पोशाक वितरण गरिएको छ । बुटवल उपमहानगरपालिका वडा नं १ स्थित सरस्वती आधारभुत विद्यालयमा अध्ययरत ५० जना विद्यार्थीहरुलाई रोटरी क्लब अफ बुटवल डाउनटाउनले विद्यालय पोशाक वितरण गरिएको हो ।

आईतबार विद्यालय परिसरमा क्लबका एसाईन एजी रबि पोखरेल, बुटवल नगरपालिका शिक्षा साखाका अधिकृत कोपिला ज्ञवाली, क्लबका अध्यक्ष कमला हमाल, विद्यालय ब्यबस्थापन समितिका अध्यक्ष सहनसिल प्रसाद लिगल, विद्यालयका निमित्त प्रधानाध्यापक बिजय शाक्यले विद्यार्थीहरुलाई पोशाक हस्तान्तरण गरे ।

रोटरी क्लब अफ बुटवल डाउनटाउनका अध्यक्ष कमला हमालले क्लबको वार्षिक नियमित कार्यक्रम अन्तरगत विद्यालय पोशाकको अभाव झेलेका सो विद्यालयको माग अनुसार सहयोग गरेको बनाईन । ‘सानो सहयोगबाट नियमित विद्यालय आउने विद्यार्थीहरुको संख्या बढ्नेमा आशाबादी छौ ।’—उनले भने । विद्यालयमा छात्रामैत्री शौचालय अभाव देखिएको भन्दै रोटरी डिष्ट्रिकको सहयोगमा परियोजना ल्याउन पहल गर्ने प्रतिवद्धता जनाए ।

कार्यक्रममा क्लबका एसाईन एजी रबि पोखरेलले उपमहानगरभित्र रहेका सामुदायिक विद्यालयको स्तरवृद्धिमा सरकारको ध्यान जानुपर्ने बताए । रोटरीको मर्म अनुसार शिक्षा, स्वस्थ्य, महिला शसक्तिकरण, वातावरणको क्षेत्रमा आफुहरु समुदायस्तरमा काम गर्दै आएको उनले बताए ।

कार्यक्रममा क्लबका उपाध्यक्ष धर्मदत्त ज्ञवाली, पुर्ब अध्यक्ष जीवन अधिकारीले शिक्षा क्षेत्रको लगानीबाट दीर्घकालिन प्रभाव पर्ने भन्दै सरकार यसमा कन्जुस्याई गर्न नहुने सुझाव दिए । क्लबका सदस्यहरुबाट आर्थिक सहयोगमा अति बिपन्न तथा जेहेन्दार ५० जना बिद्यार्थीहरुलाई करीब २५ हजार रुपैया बराबरको पोसाक वितरण गरिएको क्लबका सचिव प्रकाश पौडेलले बताए ।